Արցախի Հանրապետության Դատախազություն

Հասցե՝ ք. Ստեփանակերտ
Վազգեն Սարգսյան - 13
Հեռ.՝ ( 047 ) 94-52-94

ՕՐԻՆԱԿԱՆ ՁԵՌՆԱՐԿԱՏԻՐԱԿԱՆ ԵՎ ԱՅԼ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆԸ ԽՈՉԸՆԴՈՏԵԼՈՒ ՓԱՍՏՈՎ ՀԱՐՈՒՑՎԵԼ Է ՔՐԵԱԿԱՆ ԳՈՐԾ

 

2021թ.  փետրվար  ամսից  անհայտ  անձը,  օժտված  լինելով  ձեռնարկատիրական  գործունեության  նկատմամբ  ազդելու  կազմակերպական-տնօրինչական  գործառույթներով,  ուղղակի  դիտավորությամբ, Արցախի Հանրապետության արդարադատության նախարարության իրավաբանական անձանց պետական ռեգիստրի կողմից 2005 թվականի օգոստոսի 14-ին տրամադրված թիվ 061470 վկայականի համաձայն պետական գրանցում ստացած <<Միքս Մեդիա>> սահմանափակ պատասխանատվությամբ ընկերության կողմից շահույթ ստանալու նպատակով հիմնադրված, առևտրային կազմակերպություն հանդիսացող՝ 2015 թվականի հոկտեմբերի 19-ին պետռեգիստրի թիվ 003556 վկայականով պետական գրանցում ստացած, <<Էքսիլենթ Տելեսիստեմս>> փակ բաժնետիրական ընկերության  կողմից ԱՀ հանրային ծառայությունների և տնտեսական մրցակցությունը կարգավորող պետական հանձնաժողովի կողմից  օրենսդրության և պետական հանձնաժողովի հեռուստառադիոհաղորդումների հեռարձակման լիցենզավորման մրցույթի կարգը հաստատելու մասին թիվ 14Ն որոշմամբ սահմանված ընթացակարգով 87.5 մեգահերց, 88.3 մեգահերց և 89.3 մեգահերց հաճախականություններում ռադիոհաղորդումների եթերային հեռարձակման  և  վերահեռարձակման ընթացքում ընկերության կողմից վերոնշյալ հաճախականություններով հեռարձակվող ռադիո եթերը ենթարկել է ինտենսիվ խանգարումների՝  այդ  կերպ ակնհայտ  ապօրինի  սահմանափակելով  հիշյալ  ընկերության  իրավունքներն  ու  շահերը:

Սույն դեպքի առթիվ ԱՀ քրեական օրենսգրքի 194-րդ հոդվածի 1-ին մասով նախատեսված հանցագործության հատկանիշներով /Օրինական ձեռնարկատիրական և այլ տնտեսական գործունեությանը խոչընդոտելը/  01.04.2021թ.  հարուցվել է քրեական գործ:

Հիշյալ քրեական գործով դատախազական հսկողությունն ու դատավարական ղեկավարումն իրականացնում է գլխավոր դատախազության կոռուպցիոն,  սեփականության և տնտեսական գործունեության դեմ ուղղված  հանցագործությունների  գործերով բաժինը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: