Արցախի Հանրապետության Դատախազություն

Հասցե՝ ք. Ստեփանակերտ
Վազգեն Սարգսյան - 13
Հեռ.՝ ( 047 ) 94-52-94

ՍՊԱՆՈՒԹՅՈՒՆ՝  ԻՎԱՆՅԱՆ ՀԱՄԱՅՆՔՈՒՄ

Ապրիլի 11-ին ժամը 23:10-ին Ասկերանի շրջանի Իվանյան գյուղում, իր տան ննջասենյակում, հայտնաբերվել է  նույն գյուղի բնակիչ Ռոբերտ Շահգելդյանի դին`  բռնության հետքերով:

Դեպքի առթիվ ԱՀ քննչական կոմիտեի տարածքային քննչական վարչության երկրորդ քննչական բաժնում 12.04.2021թ. հարուցվել է քրեական գործ ԱՀ քրեական օրենսգրքի 103-րդ հոդվածի 1-ին մասով (Սպանությունը) նախատեսված հանցագործության հատկանիշներով, տարվում է նախաքննություն: Սպանության մեջ կասկածվող Ս.Ծ-ն նույն օրը ձերբակալվել է:

Քրեական գործով դատախազական հսկողությունն ու դատավարական ղեկավարումն իրականացնում է ԱՀ գլխավոր դատախազության մարդու դեմ ուղղված  հանցագործությունների գործերով բաժինը:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: