Արցախի Հանրապետության Դատախազություն

Հասցե՝ ք. Ստեփանակերտ
Վազգեն Սարգսյան - 13
Հեռ.՝ ( 047 ) 94-52-94

ՅՈՒՐԱՔԱՆՉՅՈՒՐԻՍ ՊԱՐՏՔՆ Է` ՆՊԱՍՏԵԼ ԱՐՑԱԽԻ ՀԱՄԱՅՆՔՆԵՐՈՒՄ ԲՆԱԿԻՉՆԵՐԻ ԿՅԱՆՔԻ ՈՐԱԿԱԿԱՆ ԲՆՈՒԹԱԳՐԻՉՆԵՐԻ ԲԱՐԵԼԱՎՄԱՆԸ

Սույն թվականի օգոստոսի 7-ին ԱՀ գլխավոր դատախազն այցելել էր Մարտունու շրջանի Բերդաշեն, Աշան, Նոր-շեն, Հացի, Ավդուռ և Մյուրիշեն համայնքներ, հանդիպել համայնքների ղեկավարների ու բնակիչների հետ, լսել նրանց առաջարկները, խնդիրներն ու բողոքները: Դատախազության սահմանադրական լիազորությունների տիրույթին առնչվող հարցերը գլխավոր դատախազի կողմից անմիջապես փոխանցվել են համապատասխան դատախազներին, իսկ այլ մարմինների քննարկմանը ենթակա խնդիրները` համապատասխան պետական լիազոր մարմիններին:

Հանդիպումների արդյունքներով դատախազությունը վերահաստատել է արդեն իսկ արմատավորված դիրքորոշումը` Արցախի Հանրապետության Սահմանադրությամբ հռչակված պետության «սոցիալական» բաղադրիչը պետք է իր լրջագույն կիրառությունն ունենա սահմանային համայնքներում, իսկ պետական մարմինները անմիջական ներկայությամբ և գործունեությամբ պետք է սևեռված լինեն համայնքային կյանքի որակական բնութագրիչները ամենօրյա ընթացքով բարելավելուն: