Արցախի Հանրապետության Դատախազություն

Հասցե՝ ք. Ստեփանակերտ
Վազգեն Սարգսյան - 13
Հեռ.՝ ( 047 ) 94-52-94

ՄԱՆԿԱՊՂԾՈՒԹՅԱՆ ԴԵՊՔ

ԱՀ ոստիկանության ծառայողների կողմից ձեռնարկված օպերատիվ-հետախուզական միջոցառումների արդյունքում սույն թվականի օգոստոս ամսում ի հայտ է բերվել Ստեփանակերտ քաղաքի բնակիչ, 1956թ. ծնված Բ.Ջ.-ի կողմից 03.02.2016թ. ծնված մանկահասակ երեխայի նկատմամբ սեռական ոտնձգության դեպք:
Հիշյալ դեպքի առթիվ հարուցվել է քրեական գործ: Ձեռք բերված ապացույցների բավարար համակցության հիմքով 18.08.2021թ. Բ.Ջ.-ին մեղադրանք է առաջադրվել ԱՀ քրեական օրենսգրքի 137-րդ հոդվածի 3-րդ մասի 2-րդ կետով /Սեքսուալ բնույթի բռնի գործողությունները/ նախատեսված ենթադրյալ հանցանքի կատարման համար: Նրա նկատմամբ որպես խափանման միջոց է կիրառվել կալանավորումը: Կատարվում է նախաքննություն:
Քրեական գործի մինչդատական վարույթի օրինականության նկատմամբ դատախազական հսկողությունն ու դատավարական ղեկավարումն իրականացնում է Ստեփանակերտ քաղաքի դատախազությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: