Արցախի Հանրապետության Դատախազություն

Հասցե՝ ք. Ստեփանակերտ
Վազգեն Սարգսյան - 13
Հեռ.՝ ( 047 ) 94-52-94

ԲԵՐՁՈՐ ՔԱՂԱՔՈՒՄ ԹԱԼԱՆԻ ՄԱՍԻՆ ՀՐԱՊԱՐԱԿՄԱՆ ԱՌՆՉՈՒԹՅԱՄԲ

Այսօր մամուլում տարածվեց «Ովքեր են թալանում Բերձորը և ինչու են Հայաստանի իշխանությունները ստում, թե ռուսներն են արգելում այնտեղ բնակվել. Նաիրի Հոխիկյանի նոր բացահայտումը» վերնագրով հրապարակումը (հղումը այս հասցեով՝  https://mamul.am/am/news/214567?fbclid=IwAR2JQ8kJt82gzdfo0FPj24jK1LOXrxfzwYREinH5mpEAqIJSJJn0V1BBOkc):

Հրապարակումը պարունակող տեսանյութում Ն.Հոխիկյանի կողմից նաև տեղեկություններ են ներկայացվել Բերձոր քաղաքում կատարված հափշտակությունների և պետական մարմինների կողմից դրանց չարձագանքելու վերաբերյալ: Վերոգրյալի կապակցությամբ հարկ ենք համարում տեղեկացնել, որ Բերձոր քաղաքում կատարված գողությունների դեպքերի առնչությամբ գույքի սեփականատերերի հաղորդումների հիման վրա ԱՀ իրավապահ մարմինների կողմից հարուցվել է 12 քրեական գործ, որոնցից 2-ը ավարտվել, իսկ 10-ը դեռևս գտնվում է նախաքննության փուլում: Միաժամանակ հայտնում ենք, որ բազմաթիվ են նաև այն դեպքերը, երբ սեփականատերերն իրենք են տեղափոխել իրենց գույքը: